நிர்மாணப் பணிகளை மீள ஆரம்பிக்குமாறு கோரி போராட்டம்

-எம்.என்.எம்.புகாரி

2013ஆம் ஆண்டு ஆரம்பிக்கப்பட்ட மூதூர் தபாலக சந்தியிலிருந்து பெரியபாலம் வரையிலான 2 கிலோ மீற்றர் வீதியின் புனர்நிர்மாண பணிகள் இடை நடுவில் கைவிடப்பட்டுள்ளமைக்கு எதிர்ப்பு தெரிவித்து மூதூர் பிரதேச மக்களால் ஏற்பாடு செய்யப்பட்ட சுழற்சி முறையிலான கவனயீர்ப்பு போராட்டம் இன்று இரண்டாவது நாளாகவும் இடம்பெற்று வருகின்றது.

மூதூர் நீர்தர்கிக்கு அருகாமையில் கூடாரம் ஒன்றை அமைத்து அமைதியான முறையில் சுலோக்களை ஏந்தியவாறு இந்த கவனயீர்ப்பு போராட்டம் இடம்பெற்று வருகின்றது.

நாளை புதன்கிழமை இவ் வீதியின் புனரமைப்பு விடயம் குறித்து அதிகாரிகளால் சரியான முடிவு வழங்கப்படாவிட்டால்,திருகோணமலை-மட்டக்களப்பு வீதியை மறித்து ஆர்பாட்டத்தில் ஈடுபடுவோம் என ஆர்ப்பாட்டக்காரர்கள் தெரிவித்தனர்.