புகையிலை கலந்த கஞ்சா வைத்திருந்தவருக்கு விளக்கமறியல்

-எப்.முபாரக்                 

புகையிலை கலந்த கஞ்சா முப்பது கிராமை வைத்திருந்த குற்றச்சாட்டில் கைதுசெய்யப்பட்ட  24 வயதுடைய ஒருவரை இம்மாதம் 25ஆம் திகதிவரை விளக்கமறியலில் வைக்குமாறு திருகோணமலை நீதிமன்ற நீதவான் ஹயான் மீ ஹககே, நேற்று செவ்வாய்க்கிழமை உத்தரவிட்டார்.

கஞ்சாவுடன் இச்சந்தேக நபர் திருகோணமலை, லிங்கநகர் பகுதியில் நேற்றுமுன்தினம் திங்கட்கிழமை மாலை கைதுசெய்யப்பட்டார்.

குறித்த பகுதியில் இச்சந்தேக நபர் சந்தேகத்துக்கிடமான முறையில் நடமாடியபோதே, பாதுகாப்புக் கடமையில் நின்ற பொலிஸாரினால் கைதுசெய்யப்பட்டதாக பொலிஸார் கூறினர்.