பொதுமக்களின் காணிகளை படையினர் விடுவிக்க வேண்டுமெனத் தீர்மானம்

-பதுர்தீன் சியானா

பாதுகாப்புக்கு குந்தகமில்லாத வகையில் பொதுமக்களின் காணிகளை படையினர் விடுவிக்க வேண்டுமென்று திருகோணமலை மாவட்ட ஒருங்கிணைப்புக்குழுக் கூட்டத்தில் இன்று திங்கட்கிழமை தீர்மானம் எடுக்கப்பட்டுள்ளது.

திருகோணமலை மாவட்டத்தின் புல்மோட்டை, அரிசிமலைப் பகுதியில் பொதுமக்களுக்கு உரித்தான காணிகள் விடுவிக்கப்பட வேண்டுமென்று கிழக்கு மாகாண சபை உறுப்பினர் ஆர்.எம்.அன்வர் வேண்டுகோள் விடுத்தார்.

இதனை அடுத்து, எதிர்க்கட்சித் தலைவரும் தமிழ்த் தேசியக் கூட்டமைப்பின் தலைவருமான இரா.சம்பந்தன், பிரதியமைச்சர் சுசந்த புஞ்சி நிலமே, கிழக்கு மாகாண கல்வியமைச்சர் எஸ்.தண்டாயுதபாணி, நாடாளுமன்ற உறுப்பினர்களான அப்துல்லாஹ் மஹ்ரூப், இம்ரான் மஹ்ரூப், எம்.எஸ்.தௌபீக் உள்ளிட்டோர் ஒருமித்த குரலில் பொதுமக்களின் காணிகள் வழங்கப்பட வேண்டுமெனத் தெரிவித்தனர்.

இன்றைய கூட்டத்தில் எடுக்கப்பட்ட இது தொடர்பான தீர்மானத்தை பாதுகாப்பு அமைச்சுக்கு அனுப்பி அனுமதியை பெற்றுக்கொள்ள வேண்டுமென இதன்போது தெரிவிக்கப்பட்டது.