பெண்ணைத் தாக்கிவிட்டு தங்க நகைக் கொள்ளை

அப்துல்சலாம் யாசீம்

திருகோணமலை - தலைமையக பொலிஸ் பிரிவுக்குட்பட்ட  உவர்மலை பகுதியில், வயோதிபப் பெண்ணொருவரின் கையை உடைத்துவிட்டு, தங்க நகையைத் திருடியச் சம்பவம் ஒன்று, இன்றைய தினம் (21) திருகோணமலையில் பதிவாகியுள்ளது.

இச்சம்பவத்தில் பாதிக்கப்பட்ட திருகோணமலை, உவர்மலை, கண்ணகிபுரத்தைச் சேர்ந்த (68) வயது பெண், சிகிச்சைக்காக  வைத்தியசாலையில் அனுமதிக்கப்பட்டுள்ளார்.

இச்சம்பவத்துடன் தொடர்புடைய எவரும் இதுவரைக் கைதுசெய்யப்படவில்லை என்றுத் தெரிவிக்கும் பொலிஸார், மேலதிக விசாரணைகளை மேற்கொண்டு வருகின்றனர்.