போதை மாத்திரைகளை வைத்திருந்த இருவருக்கு விளக்கமறியல்

திருகோணமலை - உப்புவெளி பொலிஸ் பிரிவுக்குட்பட்ட பகுதியில் 44 போதை மாத்திரைகளை வைத்திருந்த இருவரை, இம்மாதம் 25ஆம் திகதி வரை விளக்கமறியலில் வைக்குமாறு, திருகோணமலை நீதவான் சமிலா குமாரி ரத்நாயக்க, இன்று (19) உத்தரவிட்டார்.

பாலையூற்று, திருகோணமலை பகுதியைச் சேர்ந்த 22, 24 வயதுடைய இருவரே விளக்கமறியலில் வைக்கப்பட்டுள்ளனர்.

சந்தேகநபர்கள், போதை மாத்திரைகளை விற்பனை செய்து வருவதாக உப்புவெளி போதைப்பொருள் குற்றத்தடுப்புப் பொலிஸாருக்குக் கிடைத்த தகவலின் அடிப்படையில், 44 போதை மாத்திரைகளுடன் சந்தேகநபர்கள் கைதுசெய்யப்பட்டு, திருகோணமலை நீதிமன்றத்தில் ஆஜர்படுத்திய போதே, விளக்கமறியலில் வைக்குமாறு உத்தரவிடப்பட்டுள்ளது.