மனைவியைத் தாக்கிய கணவனுக்குப் பிணை

திருகோணமலை, கோமரங்கடவல பிரதேசத்தில், தனது மனைவியைத் தாக்கிக் காயப்படுத்திய குற்றச்சாட்டில் கைதுசெய்யப்பட்ட கணவரை, ஒரு இலட்சம் ரூபாய் சரீரப் பிணையில் செல்வதற்கு, திருகோணமலை நீதவான் நீதிமன்ற நீதவான் நேற்று (14) அனுமதியளித்தார்.  

இந்நபரை, கோமரங்கடவெல பொலிஸார் கைதுசெய்து, நீதிவானின் வாசஸ்தலத்தில் ஆஜர்படுத்தினர். இதன்போதே, நீதவான் சாமிலா ரத்ன நாயக்க, இந்த உத்தரவைப் பிறப்பித்தார்.  

அத்துடன், எதிர்வரும் பெப்ரவரி மாதம் 27ஆம் திகதியன்று, நீதிமன்றில் ஆஜராகுமாறும் உத்தரவிட்டார்.