மூதூர் பிரதேச அபிவிருத்திக் குழு கூட்டம்

ஹஸ்பர் ஏ ஹலீம், வடமலை ராஜ்குமார்

மூதூர் பிரதேசத்தின் இவ்வருடத்துக்கான முதலாவது அபிவிருத்திக் குழுக் கூட்டம், மூதூர் பிரதேச செயலகத்தில் பிரதேச செயலாளர் ஏ.தாஹிர் தலைமையில் நேற்று (16) இடம்பெற்றது.

அபிவிருத்திகள் தொடர்பிலும் நிதி ஒதுக்கீடுகள் எதிர்கால அபிவிருத்தித் திட்டம் தொடர்பிலும் இங்கு ஆராயப்பட்டன.

திருகோணமலை மாவட்ட நாடாளுமன்ற உறுப்பினரும் மாவட்ட அபிவிருத்திக் குழு இணைத் தலைவருமான அப்துல்லா மஹ்ரூப் உட்பட நாடாளுமன்ற உறுப்பினர் க. துரை ரட்ணசிங்கம், முப்படை உயரதிகாரிகள், திணைக்கள அதிகாரிகள் எனப் பலரும் இக்கூட்டத்தில் கலந்துகொண்டனர்.