யானை தாக்கி முதியவர் பலி

தீஷான் அஹமட்,அப்துல் சலாம் யாசிம்

திருகோணமலை சேருநுவர பொலிஸ் பிரிவுக்குட்பட்ட, புலக்சிய பகுதியில் உள்ள வீடொன்றில் வசித்துவந்த, 70 வயதுடைய முதியவர் யானை தாக்கி உயிரிழந்துள்ளார்.

இன்று (09), அதிகாலை 3.30 மணியளவில் வீட்டுக்கு வெளியில் வந்த போது , வீட்டின் முற்றத்தில் நின்ற யானை அவரை  தாக்கியுள்ளது. தாக்குதலில் படுகாயமடைந்த  முதியவர் ஸ்தலத்திலேயே  பலியாகியுள்ளார்.

உயிரிழந்தவரின் சடலம் சேருநுவர பிரதேச வைத்தியசாலையில் வைக்கப்பட்டுள்ளதுடன் சம்பவம் தொடர்பில் சேருநுவர பொலிஸார் விசாரணைகளை முன்னெடுத்து வருகின்றனர்.