வீட்டில் உடும்புகளை வைத்திருந்தவர் கைது

-எப்.முபாரக்

சட்டவிரோதமாக இரண்டு உடும்புகளை தனது வீட்டில் கட்டி வைத்திருந்ததாகக் கூறப்படும் 37 வயதுடைய ஒருவரை திருகோணமலை, அக்போபுர பொலிஸ் பிரிவில்  புதன்கிழமை கைதுசெய்துள்ளதாக பொலிஸார் தெரிவித்தனர்.

இச்சந்தேக நபர், காட்டில் பிடித்த இரண்டு உடும்புகளையும் வீட்டுக்குக் கொண்டுசென்று கட்டி வைத்;திருந்துள்ளார். இது தொடர்பில் தமக்குக் கிடைத்த தகவலை அடுத்து, குறித்த வீட்டுக்குச் சென்று தேடுதல் நடத்தியபோது, அவ்வீட்டில் மேற்படி உடும்புகள் இருந்தமை தெரியவந்துள்ளது.

இந்நிலையில், இரண்டு உடும்புகளையும் பாதுகாப்பாக மீட்டுள்ளதுடன், அவற்றை வனவளத் திணைக்கள அதிகாரிகளிடம் ஒப்படைப்பதற்கான நடவடிக்கையை மேற்கொண்டுள்ளதாகவும் பொலிஸார் தெரிவித்தனர்.