வான் - மோட்டார் சைக்கிள் விபத்து; ஒருவர் காயம்

-எப்.முபாரக் 

திருகோணமலை, அபேயபுர சந்தியில் வானும் மோட்டார் சைக்கிளும் மோதி வித்துக்குள்ளானதில் மோட்டார் சைக்கிளில் சென்றவர் பலத்த காயங்களுடன் வைத்தியசாலையில் அனுமதிக்கப்பட்டுள்ளதாக திருகோணமலை பொலிஸார் தெரிவித்தனர்.

இவ்விபத்து நேற்று திங்கட்கிழமை (22) மாலை 03 மணியளவில் இடம்பெற்றதாகவும் திருகோணமலை ஆண்டாங்குளத்தினைச் சேர்ந்த கசுன் திலக்க வயது (32) என்ற இளைஞர் படுகாயமடைந்து வைத்தியசாலையில் உள்ளதாகவும் பொலிஸார் தெரிவித்தனர்.

சமிக்கைகள் இடப்படாமலும் வாகனத்தின் வேகமுமே விபத்துக்கு காரணம் எனத் தெரிவித்த திருகோணமலைப் பொலிஸார், வானின் சாரதியைக் கைதுசெய்து தடுத்து வைத்து விசாரணைகளை மேற்கொண்டு வருகின்றனர்.