விபத்தில் இருவர் காயம்

-தீசான் அஹமட்

மூதூர் பொலிஸ் பிரிவுக்குட்பட்ட மூதூர்-பாலநகர் அல்ஹிதாயா மகா வித்தியாலயத்துக்கு முன்னாள் இன்று செவ்வாய்க்கிழமை காலை மோட்டார் சைக்கிளும் முச்சக்கரவண்டியும் நேருக்கு நேர் மோதி விபத்துக்குள்ளானதில் இருவர் காயமடைந்து மூதூர் வைத்தியசாலையில் அனுமதிக்கப்பட்டுள்ளனர்.

மோட்டார் சைக்கிளில் பயணித்த மூதூர்-கட்டைபரிச்சான் பகுதியைச் சேர்ந்த முத்துராசா ஜெகதீஸ்வரன் (வயது 34) மற்றும் முச்சக்கர வண்டியில் பயணித்த மட்டக்களப்பு-ஏறாவூர் பகுதியைச் சேர்ந்த சதக்குலெப்பை மகரூப் (வயது 45) ஆகியோரே இவ்வாறு காயமடைந்துள்ளனர்.

இச்சம்பவம் தொடர்பில் மூதூர் பொலிஸார் மேலதிக விசாரணைகளை மேற்கொண்டு வருகின்றனர்.