விபத்தில் பொலிஸ் உத்தியோகஸ்தர் காயம்

-பதுர்தீன் சியானா

திருகோணமலை -புத்தளம் பிரதான வீதியில் இன்று வெள்ளிக்கிழமை வேகமாக பயணித்த கார் ஒன்று மதகுடன் மோதியபோது, அக்காரில் பயணித்த பொலிஸ் உத்தியோகஸ்தர் ஒருவர் படுகாயமடைந்த நிலையில் திருகோணமலை பொது வைத்தியசாலையில் அனுமதிக்கப்பட்டுள்ளார்.

ஹொரவ்பொத்தானையைச் சேர்ந்த திலகசிறி பண்டார (வயது 41) என்ற பொலிஸ் உத்தியோகஸ்தரே படுகாயமடைந்துள்ளதாக பொலிஸார் தெரிவித்தனர்.

திருகோணமலை தலைமையக பொலிஸ் நிலையத்தில் கடமையாற்றும் இவர், இரண்டு மணிக்கு கடமைக்குச் செல்ல வேண்டியுள்ளதால் வேகமாக வந்தமையே விபத்துக்கு கரணம் எனவும் தெரியவருகின்றது.