வைத்தியர் தட்டுப்பாடு; நோயாளர்கள் சிரமம்

மூதூர் தள வைத்தியசாலையில் வைத்தியர் பற்றாக்குறை நிலவுவதால் வைத்திய சேவையைப் பெற வருகின்ற நோயாளர்கள் பெறும் சிரமங்களை எதிர்நோக்கி வருகின்றனர்.

இவ்வைத்தியசாலையில் மூதூர், தோப்பூர், சம்பூர், பட்டித்திடல், கிளிவெட்டி, சேருவில, ஈச்சிலம்பற்று உள்ளிட்ட பகுதிகளைச் சேர்ந்த நாற்பதாயிரத்துக்கும் அதிகமான மக்கள் சிகிச்சை பெற்று வருகின்றனர்..

மூதூர் தள வைத்தியசாலையில் 47 வைத்தியர்களுக்கான வெற்றிடம் நிலவுகின்ற போதும் தற்போது 17 வைத்தியர்கள் மாத்திரமே கடமை புரிகின்றனர்.

எனவே, நோயாளர்களனதும் வைத்தியர்களினதும் நலனை கருத்தில்கொண்டு சம்மந்தப்பட்ட அதிகாரிகள் நடவடிக்கை மேற்கொள்ளுமாறு, பொதுமக்கள் வேண்டுகோள் விடுக்கின்றனர்.