​ஹெரோய்னுடன் ஒருவர் கைது

திருகோணமலை, தலைமையக பொலிஸ் பிரிவுக்குட்பட்ட  பகுதியில் 10 மில்லி கிராம் ஹெரோய்ன் போதைப் பொருளை வைத்திருந்த ஒருவரை நேற்று (21) கைது செய்துள்ளதாக பொலிஸார் தெரிவித்தனர்.

சந்தேகநபர், மட்கோ, திருகோணமலை பகுதியைச் சேர்ந்த 21 வயதுடையவரெனவும், பொலிஸாருக்குக் கிடைக்கப்பெற்ற தகவலின்படி சுற்றிவளைப்பினை மேற்கொண்டு,10 மில்லி கிராம் ஹெரோய்ன் போதைப் பொருளை கைப்பற்றியதுடன், சந்தேகநபரையும் கைது செய்துள்ளதாக பொலிஸார் தெரிவித்தனர்.

சந்தேகநபரை, தடுத்து வைத்து விசாரணைகளை மேற்கொண்டு வருவதோடு, நீதிமன்றில் ஆஜர்படுத்தவுள்ளதாகவும் பொலிஸார் தெரிவித்தனர்.