நாகொடயில் அதிக மழைவீழ்ச்சி

காலி மாவட்டம், நாகொட பிரதேசத்தில் இன்று அதிகாலை 1 மணிமுதல் 7 மணிவரை 90 மில்லிமீற்றர் மழைவீழ்ச்சி பதிவாகியுள்ளதாக, அனர்த்த முகாமைத்துவ   நிலையத்தின் மாவட்டப் பணிப்பாளர் கலாநிதி தயா ரத்நாயக்க தெரிவித்தார்.

காலி மாவட்டத்தில்,  இன்று அதிகாலை 1 மணிமுதல் 5 மணிவரை கடும் மழைபெயதுள்ளதாகவும், எனினும் நாகொட பிரதேசத்திலேயே, 90 மில்லிமீற்றர் மழைவீழ்ச்சி பதிவாகியுள்ளதாகவும் அவர் கூறினார்.

இதேவேளை,  கடும் காற்றுக் காரணமாக, காலி-மாத்தறை வீதி, சமுத்ர மாவத்தையில் மரமொன்று முறிந்து விழுந்ததில், போக்வரத்து பாதிக்கப்பட்டுள்ளதாகவும், காலி கூட்டுறவு வைத்தியசாலைக்கு முன்பாக கூரையொன்று சரிந்து விழுந்ததில் மோட்டார் சைக்கிளொன்று சேதமாகியுள்ளதாகவும் அவர் கூறினார்.