மாத்தறையில் விபத்து

மாத்தறை - தங்கல்ல பிரதான வீதியின் எலியகந்த பகுதியில் இடம்பெற்ற விபத்தில் நபர் ஒருவர் பலியாகியுள்ளார்.

லொறி ஒன்றும் பேருந்து ஒன்றும் நேருக்கு நேர் மோதிக் கொண்டதில் இன்று (21) காலை இந்த விபத்து இடம்பெற்றுள்ளது.

லொறியின் சாரதி  மாத்தறை வைத்தியசாலையில் அனுமதிக்கப்பட்டிருந்த நிலையில் உயிரிழந்துள்ளார்.  மாத்தறை, பண்டத்தர பகுதியை சேர்ந்த 69 வயதுடைய ஒருவர் உயிரிழந்துள்ளார்.

இந்த விபத்தில் ஐவருக்குக் காயம் ஏற்பட்டுள்ளதாகவும், இதுத் தொடர்பில் மேலதிக விசாரணைகள் முன்னெடுக்கப்பட்டு வருவதாகவும் பொலிஸார் தெரிவிக்கின்றனர்.