106ஆவது ஜனன தினம்...

இலங்கைத் தொழிலாளர் காங்கிரஸின் ஸ்தாபகத் தலைவர் அமரர் சௌமியமூர்த்தி தொண்டமானின் 106ஆவது ஜனன தினம், நேற்று (30) கொண்டாடப்பட்டது.

இதனையொட்டி பழைய நாடாளுமன்ற வளாகத்தில் அமைந்துள்ள அமரர் சௌமிய மூர்த்தி தொண்டமானின் உருவசிலைக்கு மாலை அணிவித்து மரியாதை செலுத்தப்பட்டது.

இந்நிகழ்வில் இலங்கைத் தொழிலாளர் காங்கிரஸின் தலைவரும் நாடாளுமன்ற உறுப்பினருமான ஆறுமுகன் தொண்டமான், பிரதிப்பொதுச்செயலாளர் ஜீவன் தொண்டமான், மத்திய மாகாண சபையின் முன்னாள்  உறுப்பினர்கள், பிரதேச சபைகளின் தவிசாளர்கள், உறுப்பினர்கள் எனப் பலரும் கலந்துகொண்டனர்.