59வது சிரார்த்த தினம் ...

ராமகிருஷ்ண மிஷன் துறவி, சேவையின் சிகரம் ஸ்ரீமத் சுவாமி நடராஜானந்தரின் 59வது நினைவு தினம், புதன்கிழமை (18) அன்று காரைதீவில் உணர்வுபூர்வமாக அனுஷ்டிக்கப்பட்டது. காரைதீவு பிரதேச செயலகத்திற்கு முன்பாக அமைந்துள்ள சுவாமிஜியின் திருவுருவ சிலையடியில் இந்த நிகழ்வுகள் இடம்பெற்றன.

இதன்போது கொடியேற்றம் (துறவற கீதம்), பஜனை, பகவான் ஸ்ரீ ராமகிருஷ்ண பரமஹம்சரின் வேதபாராயணம் மற்றும் சுவாமிஜியின் திருவுருவ சிலைக்கு மலர்மாலை அணிவித்து புஷ்பாஞ்சலி செலுத்துதல் ஆகியன நடைபெற்றன.

தொடர்ந்து, சுவாமி நடராஜானந்தரின் 64 ஆண்டு கால வாழ்க்கை சரித்திர பதாதை மற்றும் சுவாமிஜியின் திருவுருவ சிலைக்கான குடைப்பதாதி என்பன திரை நீக்கம் செய்து வைக்கப்பட்டன. அத்தோடு, ஸ்ரீமத் சுவாமி நடராஜானந்தரின் நினைவாக பாடல் ஒன்றும் வெளியிட்டு வைக்கப்பட்டது.

அதனை தொடர்ந்து மங்களாரத்தி, தலைமையுரை, சிறப்புரை மற்றும் மகிழ்வுரை ஆகியவற்றுடன் பிரசாதம் வழங்கப்பட்டு நிகழ்வுகள் நிறைவடைந்தன.

வி.ரி. சகாதேவராஜா