இந்தியப் படகு கரையொதுங்கியது

புத்தளம், உடப்பு பிரதேசத்தில், சுமார் 30 அடி நீலமும் 05 அடி அகலமும் கொண்ட இந்தியப் படகு ஒன்று உடைந்த நிலையில் வியாழக்கிழமை இரவு கரையொதுங்கியுள்ளது.

படகு கடலில் மிதந்து வந்ததை அவதானித்த அப்பிரதேச மீனவர்கள், உடப்பு பொலிஸாருக்கும் கடற்படையினருக்கும் தகவல் வழங்கியதையடுத்து, அங்கு வருகை தந்த அதிகாரிகள், படகை கரை சேர்த்து பாதுகாத்து வைத்துள்ளனர்.

இப்படகு தொடர்பில் மேலதிக விசாரணைகளை, உடப்பு பொலிஸாரும் கடற்படையினரும் இணைந்து மேற்கொண்டு வருகின்றனர்.

(படப்பிடிப்பு: முஹம்மது முஸப்பிர்)