கொழும்பில் அதி நவீன ரயில் பெட்டி

சீனாவில் இருந்து இறக்குமதி செய்யப்பட்டுள்ள அதிநவீன எஸ் - 14 ரக ரயில் பெட்டி விரைவில் மலையக ரயில் மார்க்கத்தில் சேவையில் ஈடுபடுத்தப்படவுள்ளதாக அறிவிக்கப்பட்டுள்ளது.

சீனாவில் இருந்து தருவிக்கப்பட்ட இந்த ரயில் பெட்டி, கொழும்பு துறைமுகத்தை இன்று வந்தடைந்தது.

மலைநாட்டு ரயில் சேவைக்காக பிரத்தியேகமாக தயாரிக்கப்பட்ட இந்த ரயில் பெட்டியொன்றில் பெறுமதி 10.3 மில்லியன் அமெரிக்க டொலராகும் (1839.5 மில்லியன் ரூபாய்).

இவ்வாறான ஒன்பது ரயில் பெட்டிகள் இலங்கைக்கு கொண்டுவரப்படவுள்ளன.

மலையகத்துக்கான ரயில் பாதைகள் அதிகளவு வளைவுகளை கொண்டுள்ளதால், நீளமான ரயில் பெட்டிகளை கொண்டு ரயில்கள் பயணிப்பதில் உள்ள சிரமத்தை கருத்தில் கொண்டு இந்த நவீன ரக ரயில் பெட்டிகள் இறக்குமதி செய்யப்படுகின்றன.