பெண் பயனாளிகளுக்கு வல்லங்கள் வழங்கி வைப்பு

எப்.முபாரக் 

திருகோணமலை குச்சவெளி பிரதேச செயலாளர் பிரிவுக்குட்பட்ட  கரையோரப் பிரதேசத்தின்  செந்தூர்  பிரிவில் கடல் மட்டி சேகரிப்பினை தங்களது பிரதான  வாழ்வாதாரமாக கொண்ட 60 பெண் பயனாளிகளுக்கு வல்லங்களை சனிக்கிழமை (16)   குளோபல் வன் ஸ்ரீலங்கா  (Global One -SriLanka) நிறுவனம்  வழங்கியது.

ஜேர்மன் தூதரகத்தினால் நிதியளிக்கப்பட்ட"வாழ்க்கை மாற்றத்திற்கான வாழ்வாதாரம்: கரையோர பெண் தலைமை தாங்கும் குடும்பங்களுக்கான மானியம்" எனும் இத்திட்டமானது  பின்தங்கிய கரையோர சமூகங்களின் நல்வாழ்வை மேம்படுத்துவதற்காகவும், வருமானம் மற்றும் வேலைவாய்ப்பை வழங்குவதற்கான வாழ்வாதார உதவி வழங்குதலை நோக்காக கொண்டமைந்துள்ளது.