இலங்கை, பாகிஸ்தான் டெஸ்ட்: 2ஆம் நாள்

இலங்கை, பாகிஸ்தான் அணிகளுக்கிடையில் நடைபெற்று வரும் இரண்டாவது டெஸ்ட் போட்டியின் இரண்டாம் நாளில் இலங்கை அணி ஆதிக்கம் செலுத்தியுள்ளது. ரங்கன ஹேரத் 5 விக்கெட்களை கைப்பற்றியதன் மூலம் இலங்கை அணி பலம் பெற்றுள்ளது. தமது இரண்டாம் இன்னிங்சிற்க்காக துடுப்பாடி வரும் பாகிஸ்தான் அணி 6 விக்கெட்கள் இழப்பிற்கு 244 ஓட்டங்களைப் பெற்றுள்ளது. 

 

இதில் சப்ராஸ் அஹமட் ஆட்டமிழக்காமல் 66 ஓட்டங்களையும், அஹமட் செஷாட் 58 ஓட்டங்களையும் பெற்றுள்ளனர். முன்னதாக இலங்கை அணி சகல விக்கெட்களையும் இழந்து 320 ஓட்டங்களைப் பெற்றது. இதில் உப்புல் தரங்க  92 ஓட்டங்களையும், கௌஷால் சில்வா 41 ஓட்டங்களையும், அஞ்சலோ மத்தியூஸ் 39 ஓட்டங்களையும் பெற்றுள்ளனர். பந்துவீச்சில் ஜுனைட் கான் 5 விக்கெட்களையும், வஹாப் ரியாஸ் 3 விக்கெட்களையும் கைப்பற்றினர்.

 

கொழும்பு எஸ்.எஸ்.சி மைதானத்தில் நடைபெறும் இந்தப் போட்டியில் நாணய சுழற்சியில் வெற்றி பெற்ற இலங்கை அணி முதல் துடுப்பாட்டத்தை தெரிவு செய்தது.