2026 உலகக் கிண்ணம்: அமெரிக்காவுக்கு உத்தரவாதமில்லை

கடந்த வெள்ளிக்கிழமை இடம்பெற்ற சர்வதேச கால்பந்தாட்டச் சம்மேளனத்தின் (பீபா) தேர்தலில் வெற்றிபெற்ற ஜியானி இன்பான்டினோ, 2026ஆம் ஆண்டு உலகக் கிண்ணத்தை அமெரிக்காவுக்கு வழங்குவதற்கு உத்தரவாதம் வழங்கப்பட்டிருக்கவில்லை எனத் தெரிவித்தார்.

இவ்வாக்கெடுப்பின் இரண்டாம் சுற்று வாக்கெடுப்பில், ஜியானிக்கு ஆதரவாக அமெரிக்கா வாக்களித்தது. முதலாவது சுற்றில் அமெரிக்காவின் வாக்கு, இளவரசர் அலி பின் அல் ஹூஸைனுக்குச் சென்றிருந்தது.

இரண்டாவது சுற்றில் ஜியானிக்கு 27 மேலதிக வாக்குகள் கிடைத்திருந்ததோடு, ஷேக் சல்மானுக்கு மூன்று வாக்குகள் மாத்திரமே கிடைத்திருந்தன.

இந்நிலையில், 2026ஆம் ஆண்டு உலகக் கிண்ணத்தை அமெரிக்காவுக்கு வழங்குவதாக உத்தரவாதமளித்தே, அமெரிக்காவின் வாக்கை அவர் பெற்றுக் கொண்டார் என சில செய்திகள் வெளியாகியிருந்தன. அவற்றை மறுத்த அவர், அவ்வாறான எந்தவோர் உத்தரவாதமும் வழங்கப்படவில்லை எனத் தெரிவித்தார்.