100ஆவது பட்டம் வென்றார் பெடரர்

உலகின் ஏழாம் நிலை டென்னிஸ் வீரரான ரொஜர் பெடரர், தனது 100ஆவது தனிநபர் பட்டத்தைக் கைப்பற்றியுள்ளார்.

ஐக்கிய அரபு அமீரகத்தின் டுபாயில் இடம்பெற்றுவந்த டுபாயின் டென்னிஸ் சம்பியன்ஷிப்ஸ் தொடரில் சம்பியனானதன் மூலமே, தனது 100ஆவது தனிநபர் பட்டத்தை, 20 கிரான்ட் ஸ்லாம் பட்டங்களைக் கைப்பற்றிய பெடரர் கைப்பற்றினார்.

நேற்றிரவு இடம்பெற்ற குறித்த தொடரின் இறுதிப் போட்டியில், கிரேக்கத்தின் ஸ்டெபனோஸ் சிட்டிபாஸை எதிர்கொண்ட சுவிற்ஸர்லாந்தின் பெடரர், 6-4 என்ற ரீதியில் முதலாவது செட்டை ஓரளவு இலகுவாகக் கைப்பற்றினார். எனினும், 20 வயதான சிட்டிபாஸ், 37 வயதான பெடரருக்கு பலத்த சவாலை வழங்கியிருந்தார். எவ்வாறெனினும், இரண்டாவது செட்டையும் 5-4 எனக் கைப்பற்றிய பெடரர் சம்பியனானார்.