இலங்கை- இந்தியா டெஸ்ட் போட்டிகள் இலங்கையில்?

இலங்கை, இந்தியா அணிகளுக்கிடையில் 3 போட்டிகள் அடங்கிய டெஸ்ட் தொடர் ஒன்றை 2015ஆம் ஆண்டு இலங்கையில் நடாத்தமுடிவு செய்துள்ளதாக இலங்கை கிரிக்கெட் அறிவித்துள்ளது. எதிர்க்கால நிகழ்ச்சித் திட்டத்தில் இந்த தொடர் இல்லாத போதும், மேற்கிந்திய தீவுகள் அணி இந்திய தொடரை இடை நடுவே முறித்துக்கொண்டதையடுத்து இலங்கை அணி 5 போட்டிகள் அடங்கிய தொடரில் சம்மதம் தெரிவித்துள்ளது. எனவே இதை சாதகமாக பாவித்து இந்தியாவிடம் இலங்கை குறித்த டெஸ்ட் தொடரில் பங்குபற்ற கோரியுள்ளது. பேச்சுவார்த்தைகளின் ஆரம்ப கட்டம் என்ற நிலையில் உறுதியான முடிவுகளை எதனையும் கூறமுடியாது என இலங்கை கிரிக்கெட் தெரிவித்துள்ளது. இலங்கை அணி 2015ஆம் ஆண்டு இந்தியாவிற்கு கிரிக்கெட் தொடர் ஒன்றிற்கு செல்லவுள்ளது. அதற்கு முன்னர் இலங்கையில் விளையாடவே இலங்கை திட்டம் வகுத்துள்ளது. 

 

குறுகிய கால அழைப்பில் இந்த தொடரில் பங்குபற்றுவது திட்டமிட்ட பயிற்சிகளை குழப்பியுள்ளதாக குமார் சங்ககார ஏற்கனவே தன்னுடைய அதிருப்தியை வெளியிட்டு இருந்தமை குறிப்பிடத்தக்கது. களத்தடுப்பை மையப்படுத்தி உடல் பலத்தை தக்கவைத்து கொள்ளும் பயிற்சிகள் இந்த தொடர் மூலம் குழப்பப்பட்டுள்ளதாக அவர் மேலும் தெரிவித்துள்ளார்.