என்பிஏ இறுதிப்போட்டிக்கு அழைத்து சென்ற லீபுரோன்

கிளெவ்லான்ட் கவாலியர்ஸ் அணி 118க்கு 88 என்ற புள்ளி அடிப்படையில் அட்லாண்டா ஹவாக்ஸ் அணியை தோற்கடித்து 4க்கு பூச்சியம் என்ற அடிப்படையில் கிழக்கு பிராந்திய இறுதிப்போட்டியில் வெற்றிபெற்று 2007ஆம் ஆண்டுக்கு பின்னர் முதற்தடவையாக என்பிஏ இறுதிப்போட்டிக்கு தகுதிபெற்றுள்ளது.

மேற்படி போட்டியில் அதிகூடிய புள்ளிகளாக 23 புள்ளிகளை பதிவுசெய்த லீபுரோன் ஜேம்ஸ் 6வது தடவையாக என்பிஏ இறுதிப்போட்டிக்கு தகுதி பெறுகிறார். அத்துடன் தொடர்ச்சியாக 5 தடவை இறுதிப்போட்டிக்கு தகுதிபெறுகிறார். மேலும் இப்போட்டியில் 7 தடவை புள்ளிகள் பெறுவதற்கு உதவி செய்தும், 9 தடவை மீண்டுவந்த பந்தை செலுத்தியுமிருந்தார் லீபுரோன்.

ஜூன் மாதம் 4ஆம் திகதி ஆரம்பமாகும் என்பிஏ இறுதிப்போட்டியில் கோல்டன் ஸ்டேட் வரியர்ஸ் அல்லது ஹௌஸ்டன் ரொக்கெட்ஸ் அணியுடன் கிளெவ்லான்ட் கவாலியர்ஸ் அணி மோதவுள்ளது.