3ஆவது டெஸ்டில் டு பிளெஸி இல்லை

தென்னாபிரிக்க கிரிக்கெட் அணியின் தலைவர் பப் டு பிளெஸி, பாகிஸ்தானுக்கெதிரான மூன்றாவது டெஸ்ட் போட்டியைத் தவறவிடுகின்றார்.

பாகிஸ்தானுக்கெதிரான இரண்டாவது டெஸ்ட் போட்டியின்போது தாமதமாகப் பந்துவீசியதன் காரணமாக ஒரு டெஸ்ட் தடையையும் அப்போட்டிக்குரிய ஊதியத்தின் 20 சதவீதத்தை தண்டமாகப் பெற்றதைத் தொடர்ந்தே மூன்றாவது டெஸ்டை பப் டு பிளெஸி தவறவிடுகிறார்.

அந்தவகையில், டு பிளெஸி இல்லாத நிலையில் அணியில் அவரை புதுமுகவீரர் ஸுபைர் ஹம்ஸா பிரதியிடுவார் என எதிர்பார்க்கப்படுவதோடு, டீன் எல்கர் அணிக்குத் தலைமை தாங்குவார் என எதிர்பார்க்கப்படுகிறது.