’அடுத்த பருவகாலத்திலும் மப்பே தொடர்வார்’

பரிஸ் ஸா ஜெர்மைனையும், கிலியான் மப்பேயையும் கடந்த இரண்டு ஆண்டுகளாக இணைத்த பலமான தொடர்புகள், பகரப்பட்ட வரலாறு அடுத்த பருவகாலத்திலும் தொடரும் என பிரெஞ்சு லீக் 1 கழகமான பரிஸ் ஸா ஜெர்மைன் அறிக்கையொன்றில் தெரிவித்துள்ளது.

பிரெஞ்சு லீக் 1 தொடரின் ஆண்டின் சிறந்த வீரர் விருதை கடந்த ஞாயிற்றுக்கிழமை வென்றிருந்த பரிஸ் ஸா ஜெர்மைனின் முன்களவீரரான கிலியான் மப்பே, அதனை ஏற்றுக் கொள்ளும் உரையில் வேறெங்காவது புதிய திட்டமொன்று குறித்து கருத்துகளை வெளிப்படுத்தியிருந்தார்.

இந்நிலையில், குறித்த கருத்துகளை தெளிவுபடுத்துமாறு வினவப்பட்டபோது தான் என்ன கூற வேண்டுமோ அதனையே தான் கூறியதாகக் கூறியிருந்தார்.