அத்லெட்டிகோ மட்ரிட்டை வென்ற பார்சிலோனா

ஸ்பானிய கால்பந்தாட்டக் கழகங்களுக்கு இடையிலான லா லிகாத் தொடரில், தமது மைதானத்தில் நேற்றிரவு நடைபெற்ற அத்லெட்டிகோ மட்ரிட்டுடனான போட்டியில் 1-0 என்ற கோல் கணக்கில் பார்சிலோனா வென்றது.

பார்சிலோனா சார்பாகப் பெறப்பட்ட கோலை பெரன் டொரஸ் பெற்றிருந்தார்.

லா லிகா புள்ளிகள் பட்டியலில் 76 புள்ளிகளுடன் முதலாமிடத்தில் பார்சிலோனா காணப்படுகின்றது. இரண்டாமிடத்தில் 65 புள்ளிகளுடன் நடப்புச் சம்பியன்களான றியல் மட்ரிட் காணப்படுவதுடன், 60 புள்ளிகளுடன் மூன்றாமிடத்தில் அத்லெட்டிகோ மட்ரிட்டும், 54 புள்ளிகளுடன் நான்காமிடத்தில் றியல் சொஸைடட்டும் காணப்படுகின்றன.