அன்ட்வெர்ப்பிடம் தோற்ற பார்சிலோனா

ஐரோப்பிய கால்பந்தாட்டச் சங்கங்களின் ஒன்றியத்தின் சம்பியன்ஸ் லீக் தொடரில், பெல்ஜியக் கழகமான றோயல் அன்ட்வெர்ப்பின் மைதானத்தில் நேற்று அதிகாலை நடைபெற்ற அவ்வணியுடனான போட்டியில் 2-3 என்ற கோல் கணக்கில் ஸ்பானிய லா லிகா கழகமான பார்சிலோனா தோற்றது.

இதேவேளை, ஜேர்மனிய புண்டெலிஸ்கா கழகமான பொரூசியா டொட்டமுண்டின் மைதானத்தில் நடைபெற்ற அவ்வணிக்கும், பிரெஞ்சு லீக் 1 கழகமான பரிஸ் ஸா ஜெர்மைனுக்குமிடையிலான போட்டியானது 1-1 என்ற கோல் கணக்கில் சமநிலையில் முடிவடைந்தது. இதையடுத்து விலகல் முறையிலான சுற்றுக்கு பரிஸ் ஸா ஜெர்மைன் தகுதி பெற்றது.

இந்நிலையில், தமது மைதானத்தில் நடைபெற்ற இத்தாலிய சீரி ஏ கழகமான லேஸியோவுடனான போட்டியில் 2-0 என்ற கோல் கணக்கில் ஸ்பானிய லா லிகா கழகமான அத்லெட்டிகோ மட்ரிட் வென்றது.