அரவிந்தவை முந்திய ஹெட்

சர்வதேச கிரிக்கெட் சபையின் உலகக் கிண்ணத் தொடரின் இறுதிப் போட்டிகளின் துரத்தியெடுப்புகளில் அதிகூடிய ஓட்டங்களைப் பெற்றிருந்த இலங்கையணியின் முன்னாள் ஜாம்பவனான அரவிந்த டி சில்வாவின் சாதனையை நேற்று முன்தினம் நடைபெற்ற உலகக் கிண்ண இறுதிப் போட்டியில் அவுஸ்திரேலியாவின் ட்ரெவிஸ் ஹெட் முறியடித்தார்.

கடந்த 1996ஆம் ஆண்டு இலங்கையணி சம்பியனானபோது டி சில்வா, அவுஸ்திரேலியாவுக்கெதிராக ஆட்டமிழக்காமல் 107 ஓட்டங்களைப் பெற்றிருந்த நிலையில் ஹெட் 137 ஓட்டங்களை இப்போட்டியில் பெற்றிருந்தார்.

தவிர அரையிறுதிப் போட்டியிலும், இறுதிப் போட்டியிலும் சேர்த்து 199 ஓட்டங்களை ஹெட் பெற்றிருந்த நிலையில், இதற்கு முன்னர் 1979ஆம் ஆண்டு உலகக் கிண்ணத் தொடரில் அரையிறுதிப் போட்டியிலும், இறுதிப் போட்டியிலும் சேர்த்து 180 ஓட்டங்களை விவியன் றிச்சர்ட்ஸ் பெற்றிருந்தமை அதிகபட்சமாக இருந்தது.