ஆப்கானிஸ்தான் பயிற்சியாளராக இன்ஸமாம்

ஆப்கானிஸ்தான் அணியின் தலைமைப் பயிற்சியாளராக முன்னாள் பாகிஸ்தான் அணித்தலைவரான இன்ஸமாம் உல் ஹக் நியமிக்கப்பட்டுள்ளார். 

ஆப்கானிஸ்தானின் எதிர்வரும் சிம்பாப்வே சுற்றுபயணத்துக்கு மாத்திரமே ஆரம்பத்தில் இன்ஸமாம் கைச்சாத்திடப்பட்டுள்ளபோதிலும், அவரின் ஒப்பந்த காலம் இரண்டு வருடம்  வரை நீடிக்கும் வாய்ப்புக்கள் காணப்படுவதாக ஆப்கானிஸ்தான் கிரிக்கெட் சபையின் பிரதம நிறைவேற்று அதிகாரி ஷாஃபிக் ஸ்டனிக்ஸாய் தெரிவித்துள்ளார். 

இன்ஸமாம்  2012-13 காலப்பகுதியில் குறுகிய காலத்துக்கு பாகிஸ்தான் அணியின் துடுப்பாட்ட ஆலோசகராக பணிபுரிந்ததே அவரின் இறுதியாக சர்வதேச அணியுடன் பயிற்சியாளராக செயற்பட்ட சந்தர்ப்பமாகும்.