இங்கிலாந்து பிறீமியர் லீக்: செல்சி வெற்றி

இங்கிலாந்து பிறீமியர் லீக்கின் கடந்த சனிக்கிழமை (27) இடம்பெற்ற போட்டிகளில் செல்சி, லெய்செஸ்டர், வெஸ்ட் ஹாம், ஸ்டோக், வெஸ்ட் புரோம் ஆகிய அணிகள் வெற்றி பெற்றதுடன் வட்போர்ட், பௌர்ண்மௌத் ஆகிய அணிகளுக்கிடையிலான போட்டி சமநிலையில் முடிவடைந்தது.

செல்சி, சௌதாம்டன் அணிகளுக்கிடையிலான போட்டியில், 2-1 என்ற கோல்கணக்கில் செல்சி வெற்றி பெற்றிருந்தது. இப்போட்டியில் செல்சி சார்பாக பெறப்பட்ட கோல்களை சீஸ்க் பப்ரிகாஸும் பிரைன்ஸ்லோவ் இவானோவிக்கும் பெற்றிருந்தனர்.

இடம்பெற்ற ஏனைய போட்டிகளில், லெய்செஸ்டர், 1-0 என்ற கோல்கணக்கில் நோர்விச்சையும் வெஸ்ட் ஹாம், 1-0 என்ற கோல்கணக்கில் சந்தர்லேண்டையும் அஸ்டன் வில்லா, 2-1 என்ற கோல்கணக்கில் ஸ்டோக்கையும் வெஸ்ட் புரோம், 3-2 என்ற கோல்கணக்கில் கிறிஸ்டல் பலஸையும் தோற்கடித்தது. வட்போர்ட், பௌர்ண்மௌத் ஆகிய அணிகளுக்கிடையிலான போட்டியில், இரண்டு அணிகளும் கோல்களைப் பெற்றிருக்காத நிலையில் போட்டி சமநிலையில் முடிவடைந்திருந்தது.