இங்கிலாந்துக்கெதிரான 2, 3ஆவது டெஸ்ட்களில் சந்திமால் இல்லை

இங்கிலாந்துக்கெதிரான அடுத்த இரண்டு டெஸ்ட்களிலிருந்து இலங்கை கிரிக்கெட் அணியின் தலைவர் தினேஷ் சந்திமால் விலகியுள்ளார். முதலாவது டெஸ்டின் முதலாவது நாளில் ஏற்பட்ட அடிவயிற்றுப் பகுதி உபாதை காரணமாக இரண்டு வாரங்களுக்கு விளையாட முடியாமல் போயுள்ள நிலையிலேயே குறித்த இரண்டு டெஸ்ட்களிலிருந்து சந்திமால் விலகியுள்ளார்.

இந்நிலையில், சந்திமாலுக்கு பதிலாக குழாமில் பந்துவீசக்கூடிய இளம் துடுப்பாட்ட வீரர் சரித் அசலங்க சேர்த்துக் கொள்ளப்பட்டுள்ளார். 

இதேவேளை சந்திமால் இல்லாத நிலையில், இங்கிலாந்துக்கெதிரான அடுத்த இரண்டு டெஸ்ட்களிலும் இலங்கையணிக்கு சுரங்க லக்மால் தலைமை தாங்கவுள்ளார்.