இடைநிறுத்தப்பட்டார் உஸ்மன் டெம்பிலி

ஜேர்மனி கால்பந்தாட்டக் கழகமான பொரிசியா டொட்டமுண்ட், தமது முன்கள வீரரான உஸ்மன் டெம்பிலியை மறு அறிவித்தல் வரை இடைநிறுத்தியுள்ளது. 

ஸ்பானியக் கழகமான பார்சிலோனா, டெம்பிலியை ஒப்பந்தம் செய்வதற்கான கோரிக்கையை நான்கு நாட்களுக்கு முன்னர் டொட்டமுண்ட் நிராகரித்திருந்தமையைத் தொடர்ந்தே, இடைநிறுத்தமும் வந்துள்ளது.  

கடந்த வியாழக்கிழமை பயிற்சியைத் தவறவிட்டமை காரணமாக, தண்டம் விதிக்கப்பட்டு, இன்று வரை, 20 வயதான பிரான்ஸ் தேசிய கால்பந்தாட்ட அணியினதும் வீரரான டெம்பிலி இடைநிறுத்தப்பட்டிருந்த நிலையிலேயே, தற்போது இடைநிறுத்தமானது முடிவில்லாமல் நீடிக்கப்பட்டுள்ளது.