இத்தாலிய சீரி ஏ தொடர்: சம்பியனானது ஏ.சி மிலன்

இத்தாலிய கால்பந்தாட்டக் கழகங்களுக்கிடையிலான சீரி ஏ தொடரில் ஏ.சி மிலன் சம்பியனானது.

சஸுலோவின் மைதானத்தில் நேற்று முன்தினமிரவு நடைபெற்ற அவ்வணியுடனான போட்டியில் 3-0 என்ற கோல் கணக்கில் மிலன் வென்றமையைத் தொடர்ந்தே அவ்வணி சம்பியனானது.

சீரி ஏ புள்ளிகள் பட்டியலில் 86 புள்ளிகளுடன் மிலன் முதலாமிடத்தைப் பிடித்ததோடு, 84 புள்ளிகளுடன் இரண்டாமிடத்தை இன்டர் மிலன் பிடித்திருந்தது. நாப்போலி 79 புள்ளிகளுடன் மூன்றாமிடத்தையும், ஜுவென்டஸ் 70 புள்ளிகளுடன் நான்காமிடத்தைப் பிடித்திருந்தது.