இந்தியாவை வென்ற இங்கிலாந்து

இந்தியாவுக்கெதிரான மூன்றாவது டெஸ்டை இங்கிலாந்து வென்றது.

ஐந்து போட்டிகள் கொண்ட இத்தொடரின் முதலாவது போட்டியை இங்கிலாந்தும், இரண்டாவது போட்டியை இந்தியாவும் வென்ற நிலையில் லோர்ட்ஸில் வியாழக்கிழமை (10)  ஆரம்பித்த இப்போட்டியின் ஐந்தாம் நாளை 4 விக்கெட்டுகளை இழந்து 58 ஓட்டங்களைப் பெற்றவாறு ஆரம்பித்த இந்தியா, இரவீந்திர ஜடேஜாவின் ஆட்டமிழக்காத 61 ஓட்டங்களுடன் ஜஸ்பிரிட் பும்ரா, மொஹமட் சிராஜ் போராடியபோதும் ஜொஃப்ரா ஆர்ச்சர் (2), அணித்தலைவர் பென் ஸ்டோக்ஸ் (2), கிறிஸ் வோக்ஸ், ஷொய்ப் பஷிரிடம் விக்கெட்டுகளைப் பறிகொடுத்து சகல விக்கெட்டுகளையும் இழந்து 170 ஓட்டங்களையே பெற்று 22 ஓட்டங்களால் தோல்வியடைந்தது. லோகேஷ் ராகுல் 39 ஓட்டங்களைப் பெற்றார்.

இப்போட்டியின் நாயகனாக ஸ்டோக்ஸ் தெரிவானார்.