இந்தியக் குழாமில் மீண்டும் அஷ்வின்

அவுஸ்திரேலியாவுக்கெதிரான ஒருநாள் சர்வதேசப் போட்டித் தொடருக்கான இந்தியக் குழாமில் இரவிச்சந்திரன் அஷ்வின், வொஷிங்டன் சுந்தர் ஆகியோர் இடம்பெற்றுள்ளனர்.

இதேவேளை இத்தொடரின் முதலிரண்டு போட்டிகளிலும் அணித்தலைவர் றோஹித் ஷர்மா, விராட் கோலி, ஹர்டிக் பாண்டியா, குல்தீப் யாதவ் ஆகியோருக்கு ஓய்வளிக்கப்பட்டுள்ளது.

ருத்துராஜ் கைகவாட், திலக் வர்மா ஆகியோர் குழாமில் இடம்பெற்றுள்ளதுடன் இப்போட்டிகளில் லோகேஷ் ராகுல் அணித்தலைவராக பெயரிடப்பட்டுள்ளார்.

இந்நிலையில், மூன்றாவது போட்டிக்கு ஷர்மா, கோலி, பாண்டியா, குல்தீப் ஆகியோர் அணிக்குத் திரும்புகின்ற நிலையில் கைகவாட், திலக், பிரசீத் கிருஷ்ணா ஆகியோர் குழாமில் இடம்பெறவில்லை.

குழாம்: லோகேஷ் ராகுல் (அணித்தலைவர், விக்கெட் காப்பாளர்), ஷுப்மன் கில், ருத்துராஜ்

கைகவாட் (முதலிரண்டு போட்டிகளுக்கு மட்டும்), ஷ்ரேயாஸ் ஐயர், இஷன் கிஷன் (விக்கெட் காப்பாளர்), சூரியகுமார் யாதவ், திலக் வர்மா (முதலிரண்டு போட்டிகளுக்கு மட்டும்), இரவீந்திர ஜடேஜா (உப அணித்தலைவர்), ஷர்துல் தாக்கூர், இரவிச்சந்திரன் அஷ்வின், வொஷிங்டன் சுந்தர், ஜஸ்பிரிட் பும்ரா, மொஹமட் சிராஜ், மொஹமட் ஷமி, பிரசீத் கிருஷ்ணா