இரண்டாமிடத்துக்கு முன்னேறிய கில்

சர்வதேச கிரிக்கெட் சபையின் ஒருநாள் சர்வதேசப் போட்டிகளுக்கான துடுப்பாட்டவீரர்களின் தரவரிசையில் இரண்டாமிடத்துக்கு இந்தியாவின் ஷுப்மன் கில் முன்னேறியுள்ளார்.

ஆசியக் கிண்ணத் தொடரில் பாகிஸ்தான், இலங்கைக்கெதிரான சுப்பர் 4 சுற்றுப் போட்டிகளில் 77 ஓட்டங்களைப் பெற்றமையைத் தொடர்ந்தே மூன்றாமிடத்திலிருந்து ஓரிடம் முன்னேறி இரண்டாமிடத்தையடைந்துள்ளார்.

இதேவேளை தென்னாபிரிக்காவுக்கெதிரான முதல் மூன்று ஒருநாள் சர்வதேசப் போட்டிகளில் 184 ஓட்டங்களைப் பெற்ற அவுஸ்திரேலியாவின் டேவிட் வோர்னர், ஐந்தாமிடத்திலிருந்து ஓரிடம் முன்னேறி நான்காமிடத்தையடைந்துள்ளார்.

இந்நிலையில் மேற்கூறப்பட்ட ஆசியக் கிண்ணப் போட்டிகளில் 125 ஓட்டங்களைப் பெற்ற இந்தியாவின் வீராட் கோலி, 10ஆம் இடத்திலிருந்து இரண்டு இடங்கள் முன்னேறி
எட்டாமிடத்தையடைந்துள்ளார்.

இதேவேளை, குறித்த போட்டிகளில் 109 ஓட்டங்களைப் பெற்ற இந்தியாவின் அணித்தலைவர் றோஹித் ஷர்மா, 11ஆம் இடத்திலிருந்து இரண்டு இடங்கள் முன்னேறி ஒன்பதாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,
1. பாபர் அஸாம், 2. ஷுப்மன் கில், 3. றஸி வான் டர் டுஸன், 4. டேவிட் வோர்னர், 5.
இமாம்-உல்-ஹக், 6. ஹரி டெக்டர், 7. குயின்டன் டி கொக், 8. விராட் கோலி, 9. றோஹித்
ஷர்மா, 10. பக்கர் ஸமன்.

இதேவேளை, இங்கிலாந்துக்கெதிரான இரண்டாவது போட்டியில் 3 விக்கெட்டுகளைக் கைப்பற்றிய நியூசிலாந்தின் ட்ரெண்ட் போல்ட், மூன்றாமிடத்திலிருந்து ஓரிடம் முன்னேறி இரண்டாமிடத்தை அடைந்துள்ளார்.

தவிர, மேற்கூறப்பட்ட போட்டிகளில் 9 விக்கெட்டுகளைக் கைப்பற்றிய இந்தியாவின் குல்தீப் யாதவ், 12ஆம் இடத்திலிருந்து ஐந்து இடங்கள் முன்னேறிய ஏழாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,
1. ஜொஷ் ஹேசில்வூட், 2. மிற்செல் ஸ்டார்க், ட்ரெண்ட் போல்ட், 4. அடம் ஸாம்பா, 5. மற்
ஹென்றி, 6. முஜீப் உர் ரஹ்மான், 7. குல்தீப் யாதவ், 8. ரஷீட் கான், 9. மொஹமட் சிராஜ்,
10. ஷகீன் ஷா அஃப்ரிடி.

முதல் ஐந்து சகலதுறைவீரர்களின் தரவரிசை பின்வருமாறு,
1. ஷகிப் அல் ஹஸன், 2. மொஹமட் நபி, 3. சிகண்டர் ராசா, 4. ரஷீட் கான், 5. அஸாட்
வலா.