இரண்டாமிடத்துக்கு முன்னேறிய சேஸ்

சர்வதேச கிரிக்கெட் சபையின் இருபதுக்கு – 20 சர்வதேசப் போட்டிகளுக்கான சகலதுறைவீரர்களுக்கான தரவரிசையில் இரண்டாமிடத்துக்கு மேற்கிந்தியத் தீவுகளின் றொஸ்டன் சேஸ் முன்னேறியுள்ளார்.

அவுஸ்திரேலியாவுக்கெதிரான முதலாவது போட்டியில் 60 ஓட்டங்களைப் பெற்றமையைத் தொடர்ந்தே ஒன்பதாமிடத்திலிருந்து ஏழு இடங்கள் முன்னேறி இரண்டாமிடத்தை சேஸ் அடைந்துள்ளார்.

முதல் ஐந்து சகலதுறைவீரர்களின் தரவரிசை பின்வருமாறு,

1. ஹர்திக் பாண்டியா, 2. றொஸ்டன் சேஸ், 3. டிபேந்திர சிங் ஐரீ, 4. மொஹமட் நபி, 5. மார்க்கஸ் ஸ்டொய்னிஸ்.

இதேவேளை இலங்கைக்கெதிரான மூன்றாவது போட்டியில் ஒரு விக்கெட்டைக் கைப்பற்றிய பங்களாதேஷின் முஸ்தபிசூர் ரஹ்மான், பாகிஸ்தானுக்கெதிரான முதலாவது போட்டியில் இரண்டு விக்கெட்டுகளையும், இரண்டாவது போட்டியில் ஒரு விக்கெட்டையும் கைப்பற்றிய நிலையில் பந்துவீச்சாளர்களுக்கான தரவரிசையில் 26ஆம் இடத்திலிருந்து 17 இடங்கள் முன்னேறி ஒன்பதாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜேக்கப் டஃபி, 2. அடில் ரஷீட், 3. வருண் சக்கரவர்த்தி, 4. அகீல் ஹொஸைன், 5. அடம் ஸாம்பா, 6. வனிது ஹசரங்க, 7. ரவி பிஷ்னோய், 8. ரஷீட் கான், 9. முஸ்தபிசூர் ரஹ்மான், அர்ஷ்டீப் சிங்

இந்நிலையில் அவுஸ்திரேலியாவுக்கெதிரான மேற்குறிப்பிட்ட போட்டியில் 55 ஓட்டங்களைப் பெற்ற மேற்கிந்தியத் தீவுகளின் ஷே ஹோப், துடுப்பாட்டவீரர்களுக்கான தரவரிசையில் 14ஆம் இடத்திலிருந்து நான்கு இடங்கள் முன்னேறி பத்தாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ட்ரெவிஸ் ஹெட், 2. அபிஷேக் ஷர்மா, 3. திலக் வர்மா, 4. பில் ஸோல்ட், 5. ஜொஸ் பட்லர், 6. சூரியகுமார் யாதவ், 7. பதும் நிஸங்க, 8. டிம் செய்ஃபேர்ட், 9. யஷஸ்வி ஜைஸ்வால், 10. ஷே ஹோப்.