இரண்டாமிடத்துக்கு முன்னேறிய ஜோ றூட்

சர்வதேச கிரிக்கெட் சபையின் டெஸ்ட் போட்டிகளுக்கான துடுப்பாட்டவீரர்களின் தரவரிசையில் இரண்டாமிடத்துக்கு இங்கிலாந்தின் ஜோ றூட் முன்னேறியுள்ளார்.

அவுஸ்திரேலியாவுக்கெதிரான ஐந்தாவது டெஸ்டில் 96 ஓட்டங்களைப் பெற்றமையைத் தொடர்ந்தே மூன்றாமிடத்திலிருந்து ஓரிடம் முன்னேறி இரண்டாமிடத்தை றூட் அடைந்துள்ளார்.

இதேவேளை குறித்த போட்டியில் 125 ஓட்டங்களைப் பெற்றமையைத் தொடர்ந்து ஆறாமிடத்திலிருந்து மூன்று இடங்கள் முன்னேறி மூன்றாமிடத்தை அவுஸ்திரேலியாவின் ஸ்டீவன் ஸ்மித் அடைந்துள்ளார்.

இந்நிலையில் இலங்கைக்கெதிரான இரண்டாவது டெஸ்டில் 39 ஓட்டங்களைப் பெற்ற பாபர் அஸாம், ஐந்தாமிடத்திலிருந்து ஓரிடம் முன்னேறி நான்காமிடத்தையடைந்துள்ளார்.

தவிர, இங்கிலாந்துக்கெதிரான மேற்கூறப்பட்ட டெஸ்டில் 119 ஓட்டங்களைப் பெற்ற அவுஸ்திரேலியாவின் உஸ்மான் கவாஜா, எட்டமிடத்திலிருந்து ஓரிடம் முன்னேறி ஏழாமிடத்தையடைந்துள்ளார்.

இந்நிலையில், இதே டெஸ்டில் 92 ஓட்டங்களைப் பெற்ற இங்கிலாந்தின் ஹரி ப்ரூக், 11ஆம் இடத்திலிருந்து இரண்டு இடங்கள் முன்னேறி ஒன்பதாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு, 1

1.கேன் வில்லியம்ஸன், 2. ஜோ றூட், 3. ஸ்டீவ் ஸ்மித், 4. பாபர் அஸாம், 5. மர்னுஸ் லபுஷைன், 6. ட்ரெவிஸ் ஹெட், 7. உஸ்மான் கவாஜா, 8. டரைல் மிற்செல், 9. ஹரி ப்ரூக், 10. றோஹித் ஷர்மா.

மேற்படி டெஸ்டில் 4 விக்கெட்டுகளைக் கைப்பற்றிய இங்கிலாந்தின் ஸ்டூவர்ட் ப்ரோட், எட்டாமிடத்திலிருந்து நான்கு இடங்கள் முன்னேறி நான்காமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1.இரவிச்சந்திரன் அஷ்வின், 2. ககிஸோ றபாடா, 3. இரவீந்திர ஜடேஜா, 4. ஸ்டூவர்ட் ப்ரோட், 5. பற் ப்கமின்ஸ், 6. ஷகீன் ஷா அஃப்ரிடி, ஒலி றொபின்ஸன், 8. ஜேம்ஸ் அன்டர்சன், 9. நேதன் லையன், 10. ஜஸ்பிரிட் பும்ரா.

முதல் ஐந்து சகலதுறைவீரர்களின் தரவரிசை பின்வருமாறு,

1.இரவீந்திர ஜடேஜா, 2. இரவிச்சந்திரன் அஷ்வின், 3. ஷகிப் அல் ஹஸன், 4. பென் ஸ்டோக்ஸ், 5. அக்ஸர் பட்டேல்.