இரண்டாமிடத்துக்கு முன்னேறிய ப்றூக்

சர்வதேச கிரிக்கெட் சபையின் டெஸ்ட் போட்டிகளுக்கான துடுப்பாட்டவீரர்களுக்கான தரவரிசையில் இரண்டாமிடத்துக்கு இங்கிலாந்தின் ஹரி ப்றூக் முன்னேறியுள்ளார்.

இந்தியாவுக்கெதிரான் ஐந்தாவது டெஸ்டில் 164 ஓட்டங்களைப் பெற்றமையைத் தொடர்ந்தே மூன்றாமிடத்திலிருந்து ஓரிடம் முன்னேறி இரண்டாமிடத்தையடைந்துள்ளார்.

இதேவேளை இதே டெஸ்டில் 120 ஓட்டங்களைப் பெற்ற இந்தியாவின் யஷஸ்வி ஜைஸ்வால், எட்டாமிடத்திலிருந்து மூன்று இடங்கள் முன்னேறி ஐந்தாமிடத்தைப் பெற்றுள்ளார்.

இந்நிலையில் சிம்பாப்வேக்கெதிரான முதலாவது டெஸ்டில் 80 ஓட்டங்களைப் பெற்ற நியூசிலாந்தின் டரைல் மிற்செல், 13ஆம் இடத்திலிருந்து நான்கு இடங்கள் முன்னேறி ஒன்பதாமிடத்தையடைந்துள்ளார்.

முதல் 10 துடுப்பாட்டவீரர்களின் தரவரிசை பின்வருமாறு,

1. ஜோ றூட், 2. ஹரி ப்றூக், 3. கேன் வில்லியம்சன், 4. ஸ்டீவ் ஸ்மித், 5. யஷஸ்வி ஜைஸ்வால், 6. தெம்பா பவுமா, 7. கமிந்து மென்டிஸ், 8. றிஷப் பண்ட், 9. டரைல் மிற்செல், 10. பென் டக்கெட்.

இதேவேளை குறித்த சிம்பாப்க்கெதிரான போட்டியில் ஒன்பது விக்கெட்டுகளைக் கைப்பற்றிய நியூசிலாந்தின் மற் ஹென்றி, பந்துவீச்சாளர்களின் தரவரிசையில் ஏழாமிடத்திலிருந்து மூன்று இடங்கள் முன்னேறி நான்காமிடத்தையடைந்துள்ளார்.

இதுதவிர இந்தியாவுக்கெதிரான குறித்த போட்டியில் எட்டு விக்கெட்டுகளைக் கைப்பற்றிய இங்கிலாந்தின் குஸ் அட்கின்ஸன், 12ஆம் இடத்திலிருந்து இரண்டு இடங்கள் முன்னேறி பத்தாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜஸ்பிரிட் பும்ரா, 2. ககிஸோ றபாடா, 3. பற் கமின்ஸ், 4. மற் ஹென்றி 5. ஜொஷ் ஹேசில்வூட், 6. நொமன் அலி, 7. ஸ்கொட் போலண்ட், 8. நேதன் லையன், 9. மார்கோ ஜன்சன், 10. மிற்செல் ஸ்டார்க், குஸ் அட்கின்ஸன்.

முதல் ஐந்து சகலதுறைவீரர்களின் தரவரிசை பின்வருமாறு,

1. இரவீந்திர ஜடேஜா, 2. மெஹிடி ஹஸன் மிராஸ், 3. பென் ஸ்டோக்ஸ், 4. வியான் முல்டர், 5. பற் கமின்ஸ்.

இந்நிலையில் பாகிஸ்தானுக்கெதிரான மூன்று இருபதுக்கு – 20 சர்வதேசப் போட்டிகளில் இரண்டு விக்கெட்டுகளைக் கைப்பற்றிய மேற்கிந்தியத்தீவுகளின் அகீல் ஹொஸைன், பந்துவீச்சாளர்களின் தரவரிசையில் நான்காமிடத்திலிருந்து ஓரிடம் முன்னேறி மூன்றாமிடத்தையடைந்துள்ளார்.

முதல் 10 பந்துவீச்சாளர்களின் தரவரிசை பின்வருமாறு,

1. ஜேக்கப் டஃபி, 2. அடில் ரஷீட், 3. அகீல் ஹொஸைன், 4. வருண் சக்கரவர்த்தி, 5. அடம் ஸாம்பா, 6. வனிது ஹசரங்க, 7. ரவி பிஷ்னோய், 8. ரஷீட் கான், நாதன் எலிஸ், 10. அர்ஷ்டீப் சிங்.

மேற்கூறப்பட்ட இருபதுக்கு - 20 போட்டிகளில் 36 ஓட்டங்களைப் பெற்றதுடன், 2 விக்கெட்டுகளைக் கைப்பற்றிய மேற்கிந்தியத் தீவுகளின் றொஸ்டன் சேஸ், சகலதுறைவீரர்களுக்கான தரவரிசையில் ஒன்பதாமிடத்திலிருந்து ஐந்து இடங்கள் முன்னேறி நான்காமிடத்தையடைந்துள்ளார்.

முதல் ஐந்து சகலதுறைவீரர்களின் தரவரிசை பின்வருமாறு,

1. ஹர்திக் பாண்டியா, 2. டிபேந்திர சிங் ஐரீம், 3. மொஹமட் நபி, 4. றொஸ்டன் சேஸ், லியம் லிவிங்ஸ்டோன்.

முதல் 10 துடுப்பாட்டவீரர்களின் தரவரிசை பின்வருமாறு,

1. அபிஷேக் ஷர்மா, 2. ட்ரெவிஸ் ஹெட், 3. திலக் வர்மா, 4. பில் ஸோல்ட், 5. ஜொஸ் பட்லர், 6. சூரியகுமார் யாதவ், 7. பதும் நிஸங்க, 8. டிம் செய்ஃபேர்ட், 9. ஜொஷ் இங்லிஸ், 10. யஷஸ்வி ஜைஸ்வால்.