இரண்டாவது டெஸ்டில் தமிம் இல்லை

தென்னாபிரிக்க, பங்களாதேஷ் அணிகளுக்கிடையே நாளை மறுதினம் ஆரம்பமாகவுள்ள இரண்டாவது டெஸ்ட் போட்டியிலிருந்து, பங்களாதேஷ் அணியின் சிரேஷ்ட வீரரான தமிம் இக்பால் விலகியுள்ளார்.

தென்னாபிரிக்க அணியுடனான முதலாவது டெஸ்ட் போட்டிக்கு முன்பதாக இடம்பெற்ற பயிற்சிப் போட்டியில் ஏற்பட்ட இடது தொடை உபாதை மோசமடைந்ததைத் தொடர்ந்தே, தென்னாபிரிக்காவுக்கெதிரான இரண்டாவது டெஸ்ட் போட்டியிலிருந்து தமிம் இக்பால் விலகியுள்ளார்.

தமிம் இக்பால் குணமடைய நான்கு வாரங்கள் எடுக்குமென்று கூறப்படுகின்ற நிலையில், ஒருநாள் சர்வதேசப் போட்டித் தொடருக்கு தமிம் இக்பால் தயாராகி விடுவார் என பங்களாதேஷ் எதிர்பார்த்துள்ளது.