உருகுவேயிடம் தோற்ற பிரேஸில்

தென்னமெரிக்க கால்பந்தாட்டச் சம்மேளன உலகக் கிண்ண தகுதிகாண் போட்டிகளில், உருகுவேயில் நேற்றுக் காலை நடைபெற்ற அவ்வணியுடனான போட்டியில் 0-2 என்ற கோல் கணக்கில் பிரேஸில் தோற்றது.

உருகுவே சார்பாக டர்வின் நுனேஸ், நிகொலஸ் டி லா குறூஸ் ஆகியோர் தலா ஒவ்வொரு கோலைப் பெற்றனர்.

இந்நிலையில், வெனிசுவேலாவில் நடைபெற்ற அவ்வணியுடனான போட்டியில் 0-3 என்ற கோல் கணக்கில் சிலி தோற்றது.

இதேவேளை ஈக்குவடோரில் நடைபெற்ற அவ்வணிக்கும், கொலம்பியாவுக்குமிடையிலான போட்டியானது 0-0 என்ற கோல் கணக்கில் சமநிலையில் முடிவடைந்தது.