உலகக் கிண்ண முடிவு: ’மெஸ்ஸி நேரத்தை எடுத்துக் கொள்வார்’

சர்வதேச கால்பந்தாட்ட சம்மேளனத்தின் 2026 உலகக் கிண்ணத் தொடரில் ஆர்ஜென்டீனாவின் லியனல் மெஸ்ஸி விளையாட மாட்டார் என்ற நிச்சயமற்றதன்மை அதிகரித்து வருகின்ற நிலையில், ஆர்ஜென்டீனாவின் அணித்தலைவர் மெஸ்ஸி இறுதி முடிவொன்றை எடுக்க முன்னர் அமைதியாக நேரத்தை எடுத்துக் கொள்வாரென அந்நாட்டின் முகாமையைளர் லியனல் ஸ்கலோனி தெரிவித்துள்ளார்.

ஆர்ஜென்டீனாவில் தனது இறுதிப் போட்டியை வெனிசுவேலாவுக்கெதிரான தென்னமெரிக்க கால்பந்தாட்டச் சம்மேளனங்களின் கூட்டமைப்பின் உலகக் கிண்ண தகுதிகாண் போட்டியில் விளையாடிய 38 வயதான மெஸ்ஸி, போட்டிக்கு பின்னர் உலகக் கிண்ணத்தில் தனது பங்கேற்பை உறுதியளிக்க மறுத்து விட்டார்.