உலகக் கிண்ணத்திலிருந்து றோய் வெளியேற்றம்

ஐக்கிய அரபு அமீரகத்தில் நடைபெற்றுவரும் சர்வதேச கிரிக்கெட் சபையின் இருபதுக்கு – 20 உலகக் கிண்ணத் தொடரிலிருந்து, இடதுகாலின் பின்புற தசைநார் கிழிவு காரணமாக இங்கிலாந்தின் ஆரம்பத் துடுப்பாட்டவீரர் ஜேஸன் றோய் விலகியுள்ளார்.

இந்நிலையில், இங்கிலாந்துக் குழாமில் ஜேம்ஸ் வின்ஸால் றோய் பிரதியிடப்பட்டுள்ளார்.

இங்கிலாந்தின் தென்னாபிரிக்காவுக்கெதிரான இறுதி சுப்பர் 12 போட்டியிலேயே றோய் காயமடைந்திருந்தார்.

இந்நிலையில், அணியில் றோயை சாம் பில்லிங்ஸ் பிரதியிடுவதுடன், ஜொனி பெயார்ஸ்டோ, டேவிட் மலான் ஆகிய ஒருவர் ஆரம்பத் துடுப்பாட்டவீரராகக் களமிறங்குவர் என எதிர்பார்க்கப்படுகிறது.

மறுப்பக்கமாக, றோயை டேவிட் வில்லி அல்லது டொம் கர்ரன் பிரதியிடுவதற்கான வாய்ப்புகளும் காணப்படுகின்றன.