உலகக் கிண்ணத்தில் பாகிஸ்தான் விளையாடுவதில் தெளிவின்மை

சர்வதேச கிரிக்கெட் சபையின் இருபதுக்கு – 20 உலகக் கிண்ணத் தொடரில் பாகிஸ்தானின் பங்கேற்பானது தெளிவற்ற நிலையில் காணப்படுகின்றது.

பாகிஸ்தான் அரசாங்கத்திடம் கதைத்த பின்னரே இறுதி முடிவொன்று எடுக்கப்படுமென பாகிஸ்தான் கிரிக்கெட் சபையின் தலைவர் மொஷின் நக்வி தெரிவித்துள்ளார்.

இருபதுக்கு – 20 உலகக் கிண்ணத் தொடரிலிருந்து பங்களாதேஷை சர்வதேச கிரிக்கெட் சபை நீக்கிய பின்னர் சர்வதேச கிரிக்கெட் சபையானது இந்தியாவுக்குச் சாதகமான இரட்டை நிலைப்பாடுகளைக் கொண்டதாகக் குற்றஞ்சாட்டிய நக்வி, பங்களாதேஷுக்கு நடந்தது அநீதி என்று கூறினார்.