உலகக் கிண்ணம்: அரையிறுதியில் பரிஸ் ஸா ஜெர்மைன்

சர்வதேச கால்பந்தாட்ட சம்மேளனத்தின் கழக உலகக் கிண்ணத் தொடரின் அரையிறுதிப் போட்டிக்கு பிரெஞ்சு லீக் 1 கழகமான பரிஸ் ஸா ஜெர்மைன் தகுதி பெற்றுள்ளது.

ஐக்கிய அமெரிக்காவில் சனிக்கிழமை (05) நடைபெற்ற ஜேர்மனிய புண்டெலிஸ்கா கழகமான பயேர்ண் மியூனிச்சுடனான காலிறுதிப் போட்டியில் 2-0 என்ற கோல் கணக்கில் வென்றே அரையிறுதிப் போட்டிக்கு பரிஸ் ஸா ஜெர்மைன் தகுதி பெற்றுள்ளது.

பரிஸ் ஸா ஜெர்மைன் சார்பாக டிசையர் டுவே, உஸ்மான் டெம்பிலி ஆகியோர் தலா ஒவ்வொரு கோலைப் பெற்றனர்.

இதேவேளை இன்னொரு புண்டெலிஸ்கா கழகமான பொரூசியா டொட்டமுண்டை தமது காலிறுதிப் போட்டியில் வென்ற ஸ்பானிய லா லிகா கழகமான றியல் மட்ரிட்டும் அரையிறுதிப் போட்டிக்குத் தகுதி பெற்றது.

மட்ரிட் சார்பாக கொன்ஸலோ கர்சியா, பிரான் கர்சியா, கிலியான் மப்பே ஆகியோர் தலா ஒவ்வொரு கோலைப் பெற்றனர். டொட்டமுண்ட் சார்பாக மக்ஸிமில்லியன் பெயர், செர்ஹெள குய்ரஸி ஆகியோர் தலா ஒவ்வொரு கோலைப் பெற்றனர்.