எமிலியா றொமக்னா குரான் பிறீ: வென்ற வெர்ஸ்டப்பன்

இத்தாலியின் இமோலாவில் ஞாயிற்றுக்கிழமை (19) நடைபெற்ற எமிலியா றொமக்னா குரான் பிறீயில் நெதர்லாந்தின் மக்ஸ் வெர்ஸ்டப்பன் வென்றார்.

பந்தயத்தை முதல்நிலையிலிருந்து ஆரம்பித்த றெட் புல் அணியின் வெர்ஸ்டப்பன் வென்ற நிலையில், பந்தயத்தை இரண்டாமிடத்திலிருந்து ஆரம்பித்த பிரித்தானியாவின் லான்டோ நொரிஸ் இரண்டாமிடத்தைப் பெற்றதோடு, பந்தயத்தை மூன்றாமிடத்திலிருந்து ஆரம்பித்த மொனாக்கோவின் சார்ள்ஸ் லெக்கலெர்க் மூன்றாமிடத்தைப் பெற்றார்.

இவ்வாண்டுக்கான போர்மியுலா வண் சம்பியன்ஷிப் புள்ளிகள் பட்டியலில் 161 புள்ளிகளுடன் நடப்புச் சம்பியனான வெர்ஸ்டப்பன் முதலிடத்தில் உள்ளார். 113 புள்ளிகளுடன் பெராரி அணியின் லெக்கலெர்க் இரண்டாமிடத்தில் உள்ளதுடன், மெக்ஸிக்கோவின் சேர்ஜியோ பெரேஸ் 107 புள்ளிகளுடன் மூன்றாமிடத்திலுள்ளார்.