ஏ.சி மிலன் செல்லும் லெவன்டோஸ்கி?

ஸ்பானிய லா லிகா கழகமான பார்சிலோனாவின் முன்களவீரரான றொபேர்ட் லெவன்டோஸ்கியின் பிரதிநிதிகளுக்கும் இத்தாலிய சீரி ஏ கழகமான ஏ.சி மிலனுக்குமிடையே மேலதிக பேச்சுக்கள் இடம்பெற்றுள்ளதாகக் கூறப்படுகிறது.

நடப்புப் பருவகாலத்துடன் பார்சிலோனாவுடனான 37 வயதான லெவன்டோஸ்கியின் ஒப்பந்தமானது முடிவடைகின்றமை குறிப்பிடத்தக்கது.

லெவன்டோஸ்கிக்குப் பதிலாக தமது முன்களவீரரான கிறிஸ்தோபர் என்குங்குவை பார்சிலோனாவுக்கு வழங்குவதும் பரிசீலிக்கப்படுகிறது. நடப்புப் பருவகாலத்தில் இங்கிலாந்து பிறீமியர் லீக் கழகமான செல்சியிலிருந்து மிலனில் இணைந்த என்குங்கு 11 போட்டிகளில் ஒரு கோலையே பெற்றுள்ளார்.